Yahoo blog 話關就關,我完全唔知有呢件事.原來已經係上年既事tim仲要.之前D BLOG無哂,我諗上次寫BLOG已經係上年既事.
而家係朝早5點幾,訓唔著.一直係度諗呢個summer應該同BB去邊做咩好.到而家都係諗度幾樣野做.但係又唔想使咁多錢.BB同左我一齊住已經2個幾月,今個月已經係最後一個月,之後佢就要搬去學校village度住.下次同我一齊住我諗真係要到結婚之後如果咁好彩既話.呢幾個月算係無左自已既自由,但係換返黎既係有自已最中意既人陪.一定係值既我覺得,成日都係度諗一定要珍惜,自已經歷左咁多之後先知要珍惜. 覺得佢真係對我好好,但係自已好似做極都唔夠好,又成日鬧佢.我知道自已做得唔岩,但係次次都無諗到忍下,最後都係鬧左佢.可能因為同左佢一齊已經2年既關係啦.總之要珍惜同佢一齊最後既呢一個月,唔係,應該係幾個星期.
岩岩交左6千幾蚊既學費,真係好貴,唔讀好D就真係對唔住屋企人.我其實都想快D返黎同屋企人一齊.最矛盾既係有時又唔想返黎,直接係US呢度定居.因為香港而家咁亂,咁多政治問題.BB都話有得走就應該走.P.S. 我覺得我成日都畀BB影響. 之後再申請屋企人過黎,問題就係我點先可以申請到自已過黎先. 而家係咪唔應該諗咁多先呢,讀完書再諗. 下年既而家我好有機會已經畢左業tim話唔定. 可能做緊OPT,可能諗緊我有無哂左幾5年係US讀書,用左屋企咁多錢究景值唔值. 返左HK之後,我同BB最後會點呢,話哂佢都係同我一齊最耐既一個,好多回億,真係唔想放低佢.一齊左咁耐先放低好似好對佢唔住咁.
愈黎愈發覺自已係一個好容易後悔既人.
寫住咁多先,都就黎天光,開始眼訓,岩岩仲諗住唔訓等一陣去飲茶. 下次記得寫可能又要等到下年.
沒有留言:
張貼留言